ADIF BUSCARÁ UN TRAZADO ALTERNATIVO PARA
A LIÑA DE ALTA TENSIÓN SOTERRADA
A Plataforma manterase vixiante e solicitará información das propostas realizadas
polos técnicos de ADIF.
“Coira Contra a Alta Tensión” valora dun xeito positivo e produtivo a xuntanza
mantida onte na Subdelegación do Goberno na Coruña, onde todas as partes
implicadas manifestaron a necesidade de buscar un trazado alternativo.
Dende hoxe, os técnicos de ADIF comezarán a deseñar un novo proxecto que sexa
viable e non supoña un impacto de tipo medioambiental ou social.
Con este obxectivo a Plataforma permanecerá vixiante, esixindo que os responsables
da obra vaian informando puntualmente a todos os veciños e veciñas de Coira e da
súa contorna próxima, con carácter previo á realización de calquera actuación.
Máis de 1.500 sinaturas de apoio ao manifesto
Na Asemblea de veciños e veciñas realizada na noite de onte acordouse seguir coa
recollida de sinaturas, que xa suma máis de 1.500 apoios ao manifesto.
Unha vez acadado o primeiro obxectivo, consistente na paralización das obras na
aldea de Coira e na procura de trazados alternativos, acordouse en Asemblea requirir
toda a información dos técnicos responsables do proxecto.
Coira, 18 de setembro de 2014
Contacto David: 646718227
Contacto Robert: 617855926
0 comentarios: