A aldea amiense de Coira, contra unha liña de alta tensión
Constitúen unha plataforma e recollen sinaturas en contra desta obra de Adif
MAR TOLEDO. AMES | 06.09.2014
Os veciños da aldea amiense de Coira, limítrofe co concello de Santiago (parroquia de Laraño) están en pé de guerra contra as obras de canalización subterránea dunha liña de alta tensión que pretende atravesar este núcleo rural. O pasado luns chegaron as máquinas, que "comezaron a facer as catas e a abrir todo o camiño da aldea".
Nese momento, os veciños coñeceron as dimensión da actuación, do Ministerio de Fomento a través de Adif: tratábase dunha liña de alta tensión de 220.000 voltios para o Tren de Alta Velocidade (TAV), "catalogado cunha categoría especial", explican. Dende ese momento o obxectivo dos veciños foi paralizar a obra e o conseguiron. O pasado xoves "puxemos os coches no camiño e impedimos que pasaran as máquinas. Taparon os buratos e tiveron que irse", afirman.
0 comentarios: