NOTA DE PRENSA

OS VECIÑOS E VECIÑAS ESIXIMOS SOTERRAR A ACTUAL LIÑA AÉREA DE ALTA TENSIÓN NO VIADUTO DO CASAL 

A Plataforma solicita información ao Concello de Santiago sobre a proposta de acordo definitivo e os planos de detalle da liña eléctrica do ADIF.

A Plataforma veciñal Coira Contra a Alta Tensión decidiu, na Asemblea celebrada onte no local social de Laraño, solicitar de novo ao Alcalde de Santiago de Compostela, Agustín Hernández, unha resposta á proposta de acordo definitivo presentada no Concello de Santiago o pasado 16 de outubro.

Os veciños e veciñas de Coira, O Casal e Laraño esiximos información sobre o trazado e os planos de detalle, antes de que o ADIF retome as obras de canalización dunha liña de 220.000 voltios no viaduto do Casal.

A proposta veciñal consiste en desmontar e soterrar a actual liña aérea de alta tensión, como compensación da compañía eléctrica e o ADIF ao trazado dunha segunda liña polo mesmo lugar, na proximidade a varias vivendas (nos puntos 2 e 3 do plano que achegamos).

Plano facilitado por ADIF o 8/10/14 onde figura o trazado das liñas de alta tensión (en vermello e azul), así como o lugar onde coincidiría coa liña aérea de AT xa existente e a cámara de empalme CE (círculo vermello nos puntos 2 e 3).

Coira, 30 de outubro de 2014 

Contacto David: 646718227 Contacto Robert: 617855926