Estamos reuniendo firmas para la paralización definitiva de las obras en la dirección del núcleo de la aldea de Coira
Santiago Amor ratificó el apoyo expresado en la protesta del viernes firmando el manifiesto
Publicado por Coira in
Os veciños de Coira e o ADIF estudarán alternativas á liña de alta tensión do AVE
Os residentes advirten dos efectos perniciosos que os 220.000 voltios de corrente poden ter para a súa saúde
santiago / a voz
06 de setembro de 2014
05:00
Os veciños de Coira, unha pequena aldea de 70
habitantes situada entre Ames e Santiago, non están dispostos a vivir o
resto das súas vidas cunha liña de alta tensión de 220.000 voltios baixo
os seus pés. O ADIF quere este tendido subterráneo para atender unha
subestación que abastecerá ao tramo do AVE que pasa polo lugar. Os
coirenses oponse rotundamente e onte comezaron a recoller firmas contra
o proxecto e organizaron unha concentración de protesta que reuniu a
toda a localidade. Temen, sobre todo, os efectos perniciosos que a
instalación poida provocarlles. «Hai moitos estudos nos que se
relacionan as liñas de alta tensión co alzhéimer ou con cancro. Non imos
permitir que xoguen co noso futuro e co dos nosos fillos», advirte
David, un dos portavoces do colectivo.
Na concentración de onte estivo presente o
alcalde de Ames, Santiago Amor (PP), que se ofreceu a mediar entre os
veciños e o ADIF. O rexedor explicou que a semana que vén terá lugar
unha reunión no Concello para buscar alternativas que satisfagan aos
veciños. Eles xa advirten que non van aceptar compensacións de ningún
tipo e que o único que asumirán é que se desvíe a liña de alta tensión
do AVE .
Obras paralizadas
Mentres non se chega a un acordo, o alcalde
amiense solicitou á empresa encargada das obras que as paralice.
Santiago Amor púxose en contacto ademais co seu homólogo de Compostela,
Agustín Hernández (PP), para informarlle dunha situación que tamén lle
afecta, xa que toda a zona sur de Coira está no termo municipal da
capital. «Os veciños necesitan máis información sobre o proxecto, porque
non a tiveron debido a que esta é unha obra do Ministerio de Fomento.
Imos facer todo o posible por que a teñan e por buscar solucións»,
explicou Amor.
Os veciños están dispostos a todo para defender a
aldea. «Como se nos temos que amarrar ás máquinas», advirten. Días
atrás xa cruzaron os coches na pista central do lugar, ao longo da cal
iría a liña de alta tensión. Así lograron deter uns traballos que están
agora suspendidos. O seguinte paso será constituírse en plataforma para
continuar coas súas reivindicacións ata que logren evitar que o tendido
cos seus 220.000 voltios parta en dous o seu fogar.
Suscribirse a:
Entradas (Atom)
0 comentarios: